龍鳳店

营业中

休息中

聽人講龍鳳店係最出名就係瀑布蛋治，最怕就係要排長籠去食，依家嘅風潮就完左，但就等嘅客人就已經冇咁多，遲d就遲d啦遲到好過冇到啊嘛店舖其實只係一間普通嘅小食店，只係有2-3張摺枱同摺凳，迫狹小小就在所難免。龍鳳鰻魚蛋治 $40 - 炒蛋的確係炒得幾滑有蛋香。三層嘅蛋治，底層鰻魚，中間一塊麵包，最頂先係炒蛋。鰻魚算厚身，連埋鰻魚汁味道都幾香而且同蛋治也沒違和感只不過價錢就貴左少少。皮蛋肉鬆蛋治 $40 - 皮蛋配蛋治真係第1次試，多左一層肉鬆，口感味道就更有層次。但另一方面，呢個係更平價嘅食材，對比黎講就性價比就更低喇。整體黎講，蛋治嘅質素幾唔錯，可以一試嘅，但比起出名嘅鰻魚蛋治，皮蛋肉鬆蛋治就更加有驚喜。但以蛋治黎講$40就性價比低了點。