沙嗲王 (現時點)

营业中

休息中

上個月中幫襯左沙嗲王食下午茶～叫左呢個白咖哩即燒雞扒飯～之前都聽過人地話佢隻白咖哩幾好味～果然真係幾好食喎～有少少辣得黎又夠香。。椰漿味都幾重！個咖哩汁入面仲有d洋蔥，炸蒜頭同埋蔥粒～令到味道更加豐富。。用黎送飯真係冇得輸另外好值得一提既就係佢塊即燒雞扒。。有兩塊架，兩塊都幾厚肉！我本身諗住下午茶份量會較少，但呢碟白飯同雞扒都絕對比我想像中多～佢個名寫明係即燒雞扒，確實我都等左大約十五分鐘先有得食，耐就耐左d，但呢兩塊即燒雞扒真係好正，可以用四個字皮脆肉嫩黎形容～而且亦都唔覺得好油膩呢樣野正～不過美中不足就係有d位燒得真係黑左d。。。食d燒得太燶既位會容易生cancer。。所以雖然好想成塊雞皮食晒佢，但都要一路食一路搣開d黑色部份～總結：值得再食，埋單＄４９再加一，包凍飲，又送番＄４現金劵下次用。