蕃茄仔

营业中

休息中

行開銅鑼灣，每次都好少行去銅鑼灣邊邊搵食！咁岩呢幾日去開維園散步，搵個地方食下午茶，就走左入希雲街，唔講都唔覺，原來有咁多野食！日式、中式，Cafe 都有！揀左呢間專食番茄既餐廳，餐廳裝潢好黃，所以一眼就吸入我過去睇睇menu啦，用大大粒番茄做Logo!至愛吃番茄湯底嘅我，見到有鰻魚，當然即刻叫啦！叫咗一碗鰻魚手打烏冬，原條鰻魚即上，有少少火炙燒烤嘅香味，雖然冇日本店嘅鰻魚咁原味，但口感非常彈牙，可以接受呀！最正係烏冬同湯底，蕃茄湯底撈到濃郁，食落唔覺有味精，不單每啖都係食緊蕃茄蓉，配搭滑溜的烏冬條，口感剛剛好、份量又唔算少、的確好好食！撞正三點幾，人潮唔算多，喺小店入邊，一個人慢慢食都幾舒服！