樂園魚蛋粉

营业中

休息中

疫情嚴重，而家都甚少出去出邊食，通常都係叫外賣。今次呢間樂園魚蛋粉，係第一次食，位置係尖沙咀馬路邊，唔使上樓。見到門口招牌寫住主打牛筋牛腩魚蛋粉雲吞麵等等，港式風味，門面橙色都幾矚目。餐廳面積唔算好大，由於限制措施，所以冇堂食。因為晚餐想飽肚啲，點左飯。飯嘅款式都幾多，有牛腩飯牛筋飯牛雜飯肥牛飯等等，不過我就點左海南雞飯。海南雞飯係去骨，採用星加坡海南雞。雞嘅份量都幾多，香嫩，感覺唔算太肥膩，配埋個香口油飯加特製醬汁，食落都幾開胃。朋友就點左崩沙牛腩飯，牛腩有咀嚼感得黎又好林，配埋白飯就冇感寡。另外加咗蘿蔔湯，係加$10就可以，作為飯後或者飯前濕下個口都唔錯。另外再有紫菜湯送，幾抵。