影片
更多
2022-09-02
80 浏览
我愛伊斯坦堡📍馬灣大街村北335號地舖🌅環境睇得出佈置得十分用心嘅~充滿異國風情嘅裝修，黃色嘅牆壁好醒目，有好多色彩繽紛嘅玻璃燈喺天花板，再加上馬灣呢個環境，感覺真係出咗國咁！牆上嘅壁畫係老闆親手畫嘅，係土耳其唔同嘅建築物，而中間有一艘寫住HK嘅船仔，聽老闆講，佢嘅夢想係可以帶呢啲土耳其港式fusion菜去土耳其，並且發揚光大，我諗呢艘船就係代表佢嘅呢個夢想終有一日可以漂洋過海咁，去到土耳其~ 🥳另外呢間餐廳好特別嘅係，呢到有好多workshop可以教你整咖啡、玻璃燈咁，好有趣！而店主養咗一貓一狗，狗就好活潑，貓就要睇彩數先見到了🥲🍽️食物🍛主食🍚特色園池素雞飯 $98呢個飯真係極度健康之選，下低嘅蔬菜有青紅椒、翠玉瓜、番茄、生菜、青豆等，包你一定吸收到一日嘅蔬菜量，而上面嘅素雞極出色，完全做到肉嘅口感同味道，而上面橙色同白色嘅係一啲土耳其醬料，有啲似沙律醬嘅味道，配埋肉令味道好fresh，好岩成兜飯嘅feel！🥰推薦度： 😋😋😋😋🐮蒜香牛仔骨 $188呢個就比較濃味啲~蒜香味幾濃，而牛仔骨偏瘦，好香口，而呢個配埋土耳其醬料就起到另一種作用，解咗膩之餘有另一種口感，幾出色 😋旁邊同樣都係
📍馬灣大街村北335號地舖
🌅環境
睇得出佈置得十分用心嘅~充滿異國風情嘅裝修，黃色嘅牆壁好醒目，有好多色彩繽紛嘅玻璃燈喺天花板，再加上馬灣呢個環境，感覺真係出咗國咁！牆上嘅壁畫係老闆親手畫嘅，係土耳其唔同嘅建築物，而中間有一艘寫住HK嘅船仔，聽老闆講，佢嘅夢想係可以帶呢啲土耳其港式fusion菜去土耳其，並且發揚光大，我諗呢艘船就係代表佢嘅呢個夢想終有一日可以漂洋過海咁，去到土耳其~ 🥳
另外呢間餐廳好特別嘅係，呢到有好多workshop可以教你整咖啡、玻璃燈咁，好有趣！而店主養咗一貓一狗，狗就好活潑，貓就要睇彩數先見到了🥲
🍽️食物
🍛主食
🍚特色園池素雞飯 $98
呢個飯真係極度健康之選，下低嘅蔬菜有青紅椒、翠玉瓜、番茄、生菜、青豆等，包你一定吸收到一日嘅蔬菜量，而上面嘅素雞極出色，完全做到肉嘅口感同味道，而上面橙色同白色嘅係一啲土耳其醬料，有啲似沙律醬嘅味道，配埋肉令味道好fresh，好岩成兜飯嘅feel！🥰
推薦度： 😋😋😋😋
🐮蒜香牛仔骨 $188
呢個就比較濃味啲~蒜香味幾濃，而牛仔骨偏瘦，好香口，而呢個配埋土耳其醬料就起到另一種作用，解咗膩之餘有另一種口感，幾出色 😋旁邊同樣都係有啲沙律嘅，整體都係偏fresh~
推薦度： 😋😋😋
🍩甜品
🍪拉絲小麥餅 $158
全日最佳！我好鍾意呢個！佢表面睇平平無奇，以爲係普通嘅pie上面有舊雪糕，店員同我哋講話要喺中間翻起，下低有好多芝士，仲會拉絲添~ 😍上面充滿小麥香嘅，甜甜地嘅，好香甜~撈埋充滿奶香嘅芝士，好特別而上面嘅雪糕更係點睛之筆，同下低熱辣辣嘅小麥餅形成一种冰火两重天嘅感觉， 而雪糕溶咗之后，啲汁令底下嘅小麥餅更加濕潤，好食！
推薦度： 😋😋😋😋😋
🍹飲品
☕土耳其熱沙上煮咖啡 $80
唔講唔知，原來土耳其係咖啡嘅發源地，1640年就有咖啡飲！呢到有個土耳其人會教你點整，首先落啲水，按照自己鍾意去加咖啡粉（btw啲咖啡粉就噉聞都好香），然後就喺沙上面不停轉，幾有趣嘅過程，望著啲咖啡沸騰嘅時候真係好有成就感！而咖啡本身係偏酸香嘅，好有層次感，店員仲會畀你一粒土耳其糖，咬一啖飲一啖，幾正~但係一定要趁熱飲，如果唔係就會變到太喼！
推薦度： 😋😋😋😋
🍹到手香特飲 $78
到手香係咩嚟呢？其實係一種可以消炎嘅香草，有少少檸檬嘅清香味，最岩呢個夏天！而佢同馬灣都有段歷史，係十幾年前馬灣小學開始種之後，慢慢帶動到全個島上嘅人家都會種呢隻草，而店家嚟到馬灣之後就將佢整成雪條，更加消暑~食落有啲似檸檬雪條，但係又多咗種清香，好特別~
推薦度： 😋😋😋😋😋
🍸土耳其鴛鴦
呢個本身係店家自己整嚟自己飲，但可能係我同男朋友好奇嘅眼光太過熾熱，所以佢話可以倒啲俾我哋飲 🤣佢話本身土耳其係冇鴛鴦呢樣嘢，所以佢就格外想將呢樣嘢帶過去，將香港特色發揚光大，而飲落真係幾唔錯，淳厚過茶餐廳嘅好多，好香好濃，幾鍾意！
推薦度： 😋😋😋😋😋
张贴
