影片
更多
2025-03-09
1887 浏览
法國菜一向俾人感覺都喺高檔嘢，所以，喺咁多歐洲菜系裡邊，小弟都算喺比較少食法國菜。但最近住晌港島嘅食友就推介我晌北角嘅「北角匯」就有一家餐廳「Brikete Bistro」，用上Bristo（法式小館）一詞就反映店家主打親民嘅法國菜，今晚到訪一試，睇睇喺咪異軍突起。餐廳位處商場一角，單睇門面，睇唔出入到裡面原來幾大、幾寬敞，加上樓底都高，枱櫈編排又唔算密，加上裝修精緻，牆上有啲油畫，燈光又夠柔和，所以，感覺幾舒服，亦蠻有氣氛。另一邊位置有一排大落地玻璃，對出就喺東區呢一邊維港景緻。原來餐廳仲有啲室外位，當時都無留意，喺臨走時見有客人行出去先發覺。埋面仲有個地方好似小貴賓室咁，有一大張L形梳化，可以坐到6-7個客人，因為自成一角，比較靜侷少騷擾。散點餐牌其實有幾多選擇，不過重點都喺擺喺套餐之上，因為相比起嚟划算得多。而套餐有兩大系列Set Dinner及Dinner Tasting，前者選擇多啲又比較彈性大，以所揀嘅主菜嚟定價，溫馨提示，有部分菜式需要額外加錢。銀魚柳蛋黃醬配法包平常食西餐都喺搽牛油，今次就幾唔同，喺以法包配上自家製嘅銀魚柳蛋黃醬，法包烘熱咗，外脆內軟，而搽上帶點鹹鹹酸酸
餐廳位處商場一角，單睇門面，睇唔出入到裡面原來幾大、幾寬敞，加上樓底都高，枱櫈編排又唔算密，加上裝修精緻，牆上有啲油畫，燈光又夠柔和，所以，感覺幾舒服，亦蠻有氣氛。
另一邊位置有一排大落地玻璃，對出就喺東區呢一邊維港景緻。原來餐廳仲有啲室外位，當時都無留意，喺臨走時見有客人行出去先發覺。
埋面仲有個地方好似小貴賓室咁，有一大張L形梳化，可以坐到6-7個客人，因為自成一角，比較靜侷少騷擾。
散點餐牌其實有幾多選擇，不過重點都喺擺喺套餐之上，因為相比起嚟划算得多。而套餐有兩大系列Set Dinner及Dinner Tasting，前者選擇多啲又比較彈性大，以所揀嘅主菜嚟定價，溫馨提示，有部分菜式需要額外加錢。
銀魚柳蛋黃醬配法包平常食西餐都喺搽牛油，今次就幾唔同，喺以法包配上自家製嘅銀魚柳蛋黃醬，法包烘熱咗，外脆內軟，而搽上帶點鹹鹹酸酸又軟滑嘅蛋黃醬，感覺非常特別。
忌廉蘑菇湯頭盤無加錢升級，只喺簡簡單單揀番餐湯同青口，先分享個餐湯，估唔到非常大碗，夠兩個人共享，而睇見啲色澤好對辦，入口蘑菇味好濃郁，滑溜得嚟又有少少蘑菇碎粒粒，仲有就喺夠熱焫。
法式白酒煮青口雖然喺頭盤咋，份量又喺好大份，夠兩個人食。啲青口好大隻，啲肉亦都好彈牙，唔會好似啲平價貨咁韌到似擦紙膠，而味道鮮甜，滲出少少酒香，喺一道俐落清爽嘅頭盤。
慢煮西班牙豬鞍配洋葱及薯蓉 $328主菜先揀呢一款豬鞍扒，因為朋友未試過，首先睇見大大件豬鞍扒感覺已好有睇頭，煎得色外層有啲焦脆香，而最特別喺豬鞍扒嘅肉質有啲爽口感，同平常豬扒嘅鬆化好唔同，加上混有好多洋蔥絲嘅洋蔥汁，確喺好食。而薯蓉打得柔滑到不得了，加埋配上烤紅椒、西蘭花、翠肉瓜……等配菜，好豐富呀！
慢煮西班牙豬鞍配洋葱及薯蓉
$328
0 浏览
0 赞好
0 留言
波士頓龍蝦扁意粉伴龍蝦汁 $398食蝦、食蟹仲過癮就喺唔使自己拆肉，就可以啖啖肉入口，呢道扁意粉就合晒小弟心意，裡面有好多龍蝦肉，好鮮甜，好彈牙，真正啖啖肉；而扁意粉煮得啱啱好，有咬口，完全無過腍嘅弊病，加上沾滿濃郁嘅龍蝦汁，極具鮮味，伴有唔少車厘茄同本菇，令口感更加豐富。
波士頓龍蝦扁意粉伴龍蝦汁
$398
0 浏览
0 赞好
0 留言
是日精選甜品 +$58今晚嘅精選甜品喺美式芝士餅配青檸雪葩，仲伴有少少鮮甜嘅士多啤梨做裝飾。芝士餅嘅芝士香味好香濃，而且，口感軟滑細緻，青檸雪葩冰涼清爽，正好平衡番濃郁嘅芝士味。
美式芝士餅配青檸雪葩
$58
0 浏览
0 赞好
0 留言
食甜品點都要襯番杯咖啡，今次就簡簡單單無加錢要啲特色咖啡，只喺飲番普通嘅即磨咖啡，飲落其實質素唔差，咖啡味很醇香，值得一讚嘅喺除咗啲牛奶熱過嚟之外，仲用番一粒粒嘅黃糖，感覺高檔咗，當然味道又唔會話特別好好多嘅，哈哈！
由麵包、頭盤到主菜、甜品，都食得出甚具質素，加上招呼熨貼，收拾餐具到位，上菜速度又啱啱好，令整晚嘅用餐體驗非常好，就算食法國菜，也有種輕鬆自在感。
张贴
