上海婆婆336 (iSQUARE國際廣場)

营业中

休息中

早排有同事生日，話不如出去食晏，有人提議話不如去iSquare食，於是我哋行到去附近，見有間上海菜有位，就不如入去試試啦。午市套餐有兩種，第一種係一碗麵加個點心，另種係一餸一飯。我同同事分別就嗌咗「炸醬茄子拌麵」+「紅油抄手」同埋「四川蕃茄牛肉」套餐。同事問不如加多個小食，於是就叫多咗碟竹筍同埋肴肉。兩碟小食好快上枱。我未見過咁薄嘅肴肉，而且得個咸字，都相當失望。竹筍味道都唔錯，不過可惜腍咗啲，嘥咗本身竹筍嘅口感。本來嗌個拌麵就係諗住貪佢快，因為lunch之後我有公事要岀去，點知我嗰碟最後先到，仲要個麵已經凍咗，個麵餅結成一舊，搞到撈唔到啲汁。味道方面係唔錯嘅，不過整體嘅體驗就麻麻地。紅油抄手就冇乜特別特價，普普通通冇乜驚喜。總括而言，以依個價錢喺附近搵其他餐廳，我相信可以搵到其他更好嘅選擇。