正記菜館

营业中

休息中

呢間打冷我諗元朗人都由細食到大，亦係我同兄弟啤啤嘅不二之選。除咗歸屬感同親切感外，喺無點加價嘅情況下食物水準仍保持到，難怪平日晚上內外都滿哂座。潮州嘢必食滷水鵝片，性價比極高，大大份，至少有14至16塊厚肉鵝片；鵝片皮肉分明，冇多餘脂肪但又唔韌👍🏻底下用豆卜墊底，如果係嫩豆腐就更好啦。豬手同樣碟頭大，豬皮炸到脆卜卜，食落唔鹹，唔會越食越口渴；但脂肪略嫌多咗，有啲滯。蠔餅反而麻麻地，粉咁重，入口偏油，唔夠乾爽鬆脆；蠔仔大粒，但數量不多，有幾粒有啲腥。