Burger Lab

营业中

休息中

burger嘅種類都算多，有雞有牛有素食嘅，仲有啲比較特別嘅就係有和牛，鵝肝，小龍蝦包。 不過好可惜當日龍蝦包就賣晒。 我同朋友兩個人一個就叫咗個招牌牛肉漢堡，一個就叫咗芝士雞漢堡。 然後就跟咗套餐一個跟番薯薯條，另一個就係配粗薯條🍟個人覺得招牌牛肉漢堡用料非常豐富，成個漢堡嘅份量係用手撳扁左都一啖咬唔晒 而且一路食嘅時候仲有好多肉汁滴出來， 好juicy. 而芝士雞漢堡，芝士味好濃郁，雞係整咗做類似漢堡嘅形式，滿滿既黑胡椒味 番薯薯條和粗薯條份量都幾多， 而且係即炸既，食落好脆好fresh. 我個人中意蕃薯薯條多d, 因為味道甜甜地。 跟餐飲品的選擇都好多唔會只有汽水， 仲有樽裝飲品。