餐廳係行80年代懷舊香港風格，重現左好多舊時香港既場景，好岩打卡影相📸️
醬料就需要行去出面拎，餐牌上面都有好多火鍋配料可以選擇。
🎈櫻花蝦沙嗲湯底🥣 $138
🦐蝦味好濃郁，味香微辣，唔會太鹹，仲有好濃既花生味，好適合配肉類食物，超入味。
🎈小食：炸乳鴿 $68
乳鴿外皮勁香脆，肉質嫩滑，另外配有淮鹽同醬料，加上少少淮鹽一齊食係我覺得最好食既食法😋
🎈豬潤 $68
豬潤好大塊同新鮮，顏色鮮紅。
🎈萵筍 $38
萵筍爽脆清甜，吸收曬湯汁既味道，就算唔小心煮耐左都仍然保持爽脆。
🎈蜂巢豆腐 $28
哩個豆腐最正係索曬啲湯汁，所以食落去一啲都唔會乾，而且大大舊，有口感。
🎈阿肥牛皇拼盤（黑柏葉、手切肥牛、安格斯牛肉，穀飼牛柳粒）$388
哩個係超正推介👍🏻
-黑柏葉
好大塊，煮完都唔會縮太多水，爽口彈牙，夠新鮮，而且黑柏葉冇漂白過，夠天然。
-手切肥牛
厚切，牛味好濃，手切既關係會更有咬口，比較少脂肪。
-穀飼牛柳粒
牛味最濃，最有牛香，食落勁似燒肉既牛肉粒同日本居酒屋既串燒牛肉，有少少入口半溶，值得推介。
-安格斯牛肉
牛肉紋理好靚，係雪花紋，油脂比較重，而且肉質鮮嫩，又係勁好食。
🎈手打蝦丸 $48
蝦丸鮮味十足，爽滑彈牙，丸內有蝦肉。
🌟除左茶位、醬料、小食、牛肉之外，其他食物全部都做緊六折！
整體黎講，哩間餐廳既食材真係非常新鮮，而且餐廳環境有特色，仲要播住啲懷舊金曲，都真係幾有feel，如果想打高質邊爐既話，真係可以試下。
