家常麵

营业中

休息中

去黃大仙探朋友，朋友介紹我食呢間佢成日食嘅舖頭依間餐廳好多嘢都係自家製嘅，無論係餃子、甚至乎一啲嘅醬汁都係自家調配👍🏻我就叫咗芹菜豬肉餃10隻：真係做到皮薄餡靚，每隻都好大粒🥰口水雞菜飯：老闆娘話係自家調配嘅口水醬汁，果然同出面食到嘅唔同，依度嘅醬汁唔會咁油膩，仲多咗一份層次感，雞肉吸收啲醬汁，加埋熱辣辣嘅菜飯真係好正😋麻辣牛柏葉：牛柏葉好爽口，加上佢嘅麻辣味，令到本身冇乜味道嘅牛柏葉增添咗味道，用嚟送飯就啱晒👍🏻如果我住附近，一定成日嚟幫襯呢間小店😍