影片
更多
2017-09-20
29 浏览
大概12點半到這裏吃午餐，男友點了經典牛肉漢堡($58)，自己點了田園漢堡($48)，加了一份套餐($22)有番薯薯條和meko椰青水。套餐另可轉薯仔薯條，加多$8更可揀bless果汁，呢個優惠幾抵，但落完單先見到，留返下次試。我的田園漢堡先來，麵包焗得外脆內軟，脆的程度是食到成枱都係，仲有好香嘅蒜蓉同牛油味。Portobello菇味道香濃，最驚喜係牛油果即叫即切，睇落似有半個夾喺包度，本身以為會係預先撈好嘅牛油果醬（中咗麥當勞嘅毒^^"）。雖然番茄同生菜唔算特別靚料，但加埋已經好好食，飽足之餘又冇罪惡感。試了男友的包一啖，牛肉味道十分濃郁，多汁又好味。唯一有意見嘅係，包同薯條一齊放咗落好平嘅碟度，唔夠裝住啲汁，食得有啲狼狽。薯條粗幼適中，脆之餘保留到好香嘅天然番薯味，好值得試。食咗大約半個鐘，我哋都係唯一一枱客，可能係礙於店嘅位置同附近客源唔適合，但如此用心的小店值得更多人支持，呢個亦係驅使我寫第一個食評嘅原因。店內位置得八個，適合一個人來嘆或同一、兩個朋友嚟食，天氣凍啲時，外賣去附近嘅九龍公園食亦係一件樂事。（環境方面扣左一粒星係因為冷氣唔夠。）
我的田園漢堡先來，麵包焗得外脆內軟，脆的程度是食到成枱都係，仲有好香嘅蒜蓉同牛油味。Portobello菇味道香濃，最驚喜係牛油果即叫即切，睇落似有半個夾喺包度，本身以為會係預先撈好嘅牛油果醬（中咗麥當勞嘅毒^^"）。雖然番茄同生菜唔算特別靚料，但加埋已經好好食，飽足之餘又冇罪惡感。
試了男友的包一啖，牛肉味道十分濃郁，多汁又好味。唯一有意見嘅係，包同薯條一齊放咗落好平嘅碟度，唔夠裝住啲汁，食得有啲狼狽。薯條粗幼適中，脆之餘保留到好香嘅天然番薯味，好值得試。
食咗大約半個鐘，我哋都係唯一一枱客，可能係礙於店嘅位置同附近客源唔適合，但如此用心的小店值得更多人支持，呢個亦係驅使我寫第一個食評嘅原因。
店內位置得八個，適合一個人來嘆或同一、兩個朋友嚟食，天氣凍啲時，外賣去附近嘅九龍公園食亦係一件樂事。
（環境方面扣左一粒星係因為冷氣唔夠。）
张贴