餐廳面積細小， 最多可容納约十六人， 所以時常都有人龍在門外排隊。
早餐選擇不少， 對於有選擇困難症的我， 都幾頭痛
。 飲品選擇亦比一般餐廳多， 而且款式比較特別，例如羅漢果茶、伯爵茶和白菊花茶等。
最後選了煙挪威三文魚蛋沙律三文治配白菊花茶，43元。我選了麥包兼要烘底。
個樣好掂
，份量不少。
煙三文魚好厚身， 雞蛋沙律都好多。
煙三文魚色澤好靚，食落口好滑，好香煙三文魚味，三文魚味完全蓋過蛋沙律味，正
。
雞蛋和蛋黃比例不錯，沙律味不重，所以才提升煙三文魚味道。
麵包旁邊之沙律似雜果沙律， 有薯仔、雜果、粟米及少量烚蛋白，其沙律味比較濃， 襯托薯仔一流。
白菊花茶除有幾朶白菊花外，仲有茶包，老闆好濶佬呀
