聽朋友講，旺角有間海南雞飯好正，於是搵日去試下，一去到已經排晒隊 。
坐低嗌咗個溫泉雞脾套餐配香飯套餐，雞脾啖啖肉又滑又嫩🤤啲雞皮仲係金黃色，望落已經好吸引。香飯粒粒分明，好香雞油味，唔鐘意食飯都可以轉蔥油撈麵 。仲有個湯超清甜，食2啖飯，又可飲啖湯 。配菜酸瓜，清新唔太酸，而且又好開胃👍🏻
2
仲叫咗桑拿瑤柱肉餅套餐，啲肉餅有咬口得黎又唔會鞋颯颯，啖啖肉汁帶淡淡瑤柱味又唔會太鹹，朋友唔鐘意食飯，就轉左個蔥油乾撈麵 。
麵吸晒蔥油精華，食落又彈牙又夠味，好食到停唔到口 。另外再加左溏心蛋，味道好特別，佢地係用左醉雞汁黎浸，溏心蛋食落就好似食醉雞咁，超正🤤
蒜香娃娃菜都絕對唔可以錯過，半份都夠食，上面灑咗炸蒜粒同醬油，好重蒜香味，晚飯有肉又有菜，必點配搭 。
至於咖央西多，就係厚切方包加牛油再搽咖央醬，咬落外脆內軟，牛油香甜又滑，咖央醬椰香好重但唔會好膩，好耐無食過喇 。讚👍🏻
28
3
全日雞實驗所真係幾有驚喜，啲嘢食都好有水準！就算唔坐低食，都建議叫外賣🤫佢地仲有另外2間分店係北角，北角和富道21-53號和富地庫B50-51號舖和富美食廣場C1同C2號鋪，得閒經過都要去試下 。
📍 全日雞實驗所 (旺角)
旺角通菜街80號地舖
#旺角 #海南雞 #全日雞實驗所
