銀津點心茶餐廳

燈泡奶茶比吸引了。$27支黎講，真心貴。個酥皮焗叉燒包熱食幾好，有D酥皮比較油，呢間係無嘅。
而家即焗熱而唔係係預熱柜出，感覺較好。

而我身邊個最鍾意食嘅蝦多士，通常邊到有，都叫黎試嘅。
咁同酥皮一樣，唔油都而蝦尚算彈牙，都唔錯。

呢個 鵪鶉蛋燒賣已經好多舖頭唔再整喇，都應該工序比較煩複，所以都唔多地方食到。呢個一定熱食，唔係皮必硬。佢個肉 餡料唔肥，最怕肥肉多，呢個鵪鶉蛋夠新鮮，整體配合，一口咬落去好有情懷。

西米焗布甸都係好多酒樓唔整。唔太甜，面層燒到焦香，食落去啱啱好西米夠林，呢個一定要試。不過呢個一個人真係食唔到。