the Engine

营业中

休息中

店內環境以升空火箭🚀、未來時空做主題, 餐廳角落有一個大型飛機引擎嘅裝飾, 有一種即將要遠離地球嘅感覺, 亦好似象徵住生酮飲食文化就係未來嘅趨勢! 所有食品都係即叫即製, 用心製作💗 餐牌有列明每款食物嘅碳水化合物、脂肪、蛋白質含量, 啱晒一班注重健康嘅人士於點餐時作參考! 🍔大啡菇生酮素漢堡自家製 Keto burger buns用上奇亞籽及杏仁粉製作, 裏面夾住黃椒、核桃、大啡菇、芝士🧀生酮麵包烘得好香, 有微脆嘅口感, 會比一般麵包實淨少少, 每一啖都食到粒粒奇亞籽, 帶一點麥味。無論係味道、口感都好豐富, 有驚喜, 呢個配搭好match! 🍔煙三文魚牛油果生酮漢堡分量十足, 性價比高! 入面夾住煙三文魚、牛油果醬🥑、煙肉、生菜、番茄, 煙三文魚、牛油果醬分量多, 好juicy~ 🍟天貝薯條天貝係由天然發酵黃豆製成, 外層佈滿奇亞籽, 呢款健康版薯條低脂、高鈣、高蛋白, 食完都冇罪惡咁呢！🍹另外仲叫咗一款 protein drink, 由杏仁奶、藍莓、合桃、植物蛋白粉沖調而成, 口感creamy 又唔會重奶粉味, 飽腹感持久, 係運動前嘅最佳飲料!