御和亭日本料理

营业中

休息中

今晚成班朋友一齊食生日飯，御和亭係個好選擇成日行過都見到排晒隊，所以黎食一定要預早訂位前菜我地叫左牛蒡同埋枝豆牛蒡幾香，而且好夠味，酸酸甜甜非常開胃，但個人覺得酸左啲枝豆有用鹽烘過，份量都幾多，好香枝豆味但有啲太咸，不過都忍唔住不停食不停食，好快就見底我地encore多碟，今次應該岩岩淥熟左但無用鹽烘炒過，偏濕，但就無咁咸質素有啲參次串燒我地叫左好幾款圖中既燒雞髀肉必點，嫩滑多汁，調味夠咸夠香，非常好食惹味😋下面係燒墨魚仔，無咩味，應該唔記得落鹽？加左青檸汁味道有提鮮，值得一讚係唔會韌，夠爽口👍🏻朋友仲食左燒雞肝、雞腎同雞心聽聞好食，但本人麻麻地就無試了 刺身丼呢到既壽司🍣同刺身係招牌刺身係幾新鮮👍🏻而且料好多，唔會食到最後得番飯整體都新鮮好食，係個玉子可以甜啲，有番啲調味會更好雞蛋🥚牛肉壽喜燒湯底幾好，夠濃夠甜，又唔會好油牛肉幾香肉味，而且份量都唔少配料有蔥、豆腐、椰菜、粉絲等等配埋雞蛋食非常滿足😋鰻魚炒飯睇個色水都知道非常夠味，好香鰻魚燒汁既味，配飯係一流鰻魚份量都好多，成碟飯份量同味道都唔錯豚肉炒烏冬食左第一啖覺得比較淡口，之後發現原來啲醬汁係晒底撈埋佢加番啲味道同埋濕潤感，唔錯