泰皇閣泰國菜館

营业中

休息中

同朋友食生日飯，揀左九龍城泰皇閣，D餸靚到哇哇聲，又好味，有好多出面都食唔到。個爆炸蟹超扺食，好香，又多膏；原條燒則魚青芒沙律第一次見，未見實物之前覺得有D貴，見完食完就覺得物超所值，超埋肉，外脆內軟，又多青芒，原來係好大碟，真係要試。見格離台叫個椰青焗飯好靚好香，好靚，心思思好想食，個花挑得好靚。 仲有個明爐蜆煲，真係細心到無朋友，因為叫左則魚，唔想叫烏頭，但係好掛著明爐烏頭煲湯，竟然有蜆煲，真係好岩，D蜆好大隻，好好味，父親節一定要再來食。走個陣老板娘仲係門囗幫我地同木頭車影左好多相，好好人呀！