📍 SAVVY（尖沙咀）
一喺門口入去就已經見到一個好巨大嘅酒吧位🍹🍹感覺真係好華麗、休閒。無論係門口定係入邊嘅大酒吧位都好適合打卡📸📸📸
在慢慢行到入去就已經係自助晚餐酒店buffet嘅位置，望向右手邊係一個甜品區域，有泰式甜品，芝士蛋糕、夾糖、自製嘅蛋糕🍰、朱古力蛋糕，蜜瓜哈密瓜菠蘿水果，呢啲都唔例外，最特別最特別嘅係可以自製芒果糯米飯🥭🥭
突然之間叮噹一響，全部人一齊衝出去，大家都好奇會係啲乜嘢，原來係朱古力雪條再加脆脆，雪糕凍到朱古力變成脆皮，唔會好甜，面頭仲灑上彩色脆脆，打卡一流📸
平時食buffet都已經有晒頭盤、新鮮嘅海鮮🦞呢度嘅海鮮冷盤係龍蝦、蟹鉗、長腳蟹🦀🦀全部都好新鮮，夠晒鮮甜，一咬落去Juice爆汁，龍蝦肉質結實👍👍
再行入啲，就係日本壽司刺身區🥢🥢
壽司嘅款式有鰻魚卷 、卷物！
刺身方面，帶子、三文魚、吞拿魚、甜蝦、油花均勻肥美，吃落去非常滿足😌
熟食區分為兩個部分
1. 印度🇮🇳熟食～有一個正宗印度人幫您搓薄餅🍕即時烤焗，所以上碟嗰陣時熱辣辣，更加有印度咖喱魚，炒飯等等。薄餅同咖哩果然係絕配！薄餅吸晒啲咖喱汁，薄餅又勁酥脆，食到停唔到口！
仲有熱辣辣招牌冬陰功湯，飲落有海鮮嘅鮮味～亦有一啲菇類同香料，升華咗成碗冬陰功既香味🍲🍲🍲
2.海鮮、和牛、黑豚
燒鮑魚配香葱醬、鐵板香燒鴨肝、鐵板燒和牛粒配烤蒜片、烤焗黑豚肉、烤三文魚、芝士焗龍蝦、即切燒澳洲牛肉｛可以揀幾多成熟，肉質亦都是有保證的，牛扒煎得非常有質素，肉質鮮嫩，呈現粉紅色，賣相非常之靚仔！有適當的油脂，口感柔嫩！}
另外仲有前菜沙律🥗芝士🧀麵包🥯等等~~~~
至於飲品方面就真係有鮮榨嘅橙汁同埋蘋果汁🧃
更加可以自製珍多冰，加幾多配料有自己話事👍👍
