影片
更多
2023-01-08
284 浏览
想渡過一個儀式感滿滿的生日嗎？咁就要睇我哋今次嘅介紹啦😆之前下晝經過見到好多花花草草，望落幾啱打卡，當時已經bookmark咗，適逢有朋友生日，book個位試下佢🤓座位分左室內同室外，當日天氣都幾熱吓，雖然室外環境再靚啲，不過怕熱嘅我哋都係選擇坐室內🤣黑松露醬配香脆薯條 $68炸到熱辣辣脆卜卜，一上枱已經聞到好香，而且份量十足，面層有芝士同黑松露粉，個醬食落好濃好香🤤🤤芥末籽蜜糖焗美國頂級豬鞍架 $208佢係屬於厚切豬鞍，食落肉質偏硬，而且醃得比較重手，令到佢變得好咸🫠 可能因為咁，所以醬汁調得比較淡，但啲薯仔係幾好食嘅😂紅酒燴牛面頰肉意大利飯 $148醬汁好濃味，牛面頰整得好鬆軟，飯比一般嘅意大利飯硬啲啲，呢個份量就細啲，啱女仔食🥰Hᴏᴍᴇᴍᴀᴅᴇ Tɪʀᴀᴍɪsᴜ $48食落好綿密，咖啡味好重，但可惜無酒味，Sɪᴢᴇ都幾大，啱哂對於唔太鍾意酒味嘅🐨香蕉士多啤梨榛子朱古力忌廉班戟OᴘᴇɴRɪᴄᴇ訂座晚市每位消費滿$250就送法式班戟一客，加$10多一球雲呢拿雪糕整體唔係好甜，但好多香蕉🤣 Nutella搭乜都係咁夾咁正，餅皮都係朱古力，味道都幾濃😗甜品送上嚟嘅時候，餐廳會播生日歌，令
之前下晝經過見到好多花花草草，望落幾啱打卡，當時已經bookmark咗，適逢有朋友生日，book個位試下佢🤓
座位分左室內同室外，當日天氣都幾熱吓，雖然室外環境再靚啲，不過怕熱嘅我哋都係選擇坐室內🤣
黑松露醬配香脆薯條 $68
炸到熱辣辣脆卜卜，一上枱已經聞到好香，而且份量十足，面層有芝士同黑松露粉，個醬食落好濃好香🤤🤤
芥末籽蜜糖焗美國頂級豬鞍架 $208
佢係屬於厚切豬鞍，食落肉質偏硬，而且醃得比較重手，令到佢變得好咸🫠 可能因為咁，所以醬汁調得比較淡，但啲薯仔係幾好食嘅😂
紅酒燴牛面頰肉意大利飯 $148
醬汁好濃味，牛面頰整得好鬆軟，飯比一般嘅意大利飯硬啲啲，呢個份量就細啲，啱女仔食🥰
Hᴏᴍᴇᴍᴀᴅᴇ Tɪʀᴀᴍɪsᴜ $48
食落好綿密，咖啡味好重，但可惜無酒味，Sɪᴢᴇ都幾大，啱哂對於唔太鍾意酒味嘅🐨
香蕉士多啤梨榛子朱古力忌廉班戟
OᴘᴇɴRɪᴄᴇ訂座晚市每位消費滿$250就送法式班戟一客，加$10多一球雲呢拿雪糕
整體唔係好甜，但好多香蕉🤣 Nutella搭乜都係咁夾咁正，餅皮都係朱古力，味道都幾濃😗
甜品送上嚟嘅時候，餐廳會播生日歌，令你嘅朋友即時成為全店焦點🤩 壽星可能會尷尬癌🫣 但係身為朋友嘅你會笑得好開心😆 仲會得到店員同隔離枱食客嘅祝福
另外幾位店員都好熱心，輪住過嚟問使唔使幫我哋影相，見我哋張枱細，都好積極幫我哋收碟，除咗舖面比較細同啲枱之間比較貼之外，整體感覺都唔錯嘅，建議有朋友生日，可以帶佢過嚟打下卡，接受吓人哋嘅祝福🫣
张贴
