芝麻開門甜品專門店

营业中

休息中

喺屋企困左咁耐，決定要食啲甜品獎勵吓自己。今日去咗太子呢間甜品小店，個名都幾得意叫芝麻開門。因為太早食完飯，舖頭都冇乜人，我哋都差唔多包左場。舖頭有QR code開Menu，可以自己慢慢睇，呢間甜品店都有好多選擇，中式西式嘅都有。我哋叫咗個芒果拿破崙同埋流星花園。芒果拿破崙我哋揀咗抹茶雪糕，店主好有心思，喺雪糕個底加咗啲吉士令到佢啲雪糕唔會溶到成碟都係。個抹茶雪糕帶有啲苦澀味，唔會好甜，感覺幾清新。啲芒果都好甜新鮮，個拿破崙酥皮好鬆化。流星花園我哋揀咗奶茶同曲奇味雪糕。同樣都係有個吉士喺雪糕個底，好貼心。啲生果好甜好新鮮。個窩夫即叫即整，熱辣辣外脆內軟。食完個甜品之後真係好滿足，而且份量都好大，下次會再嚟食。