二鍋頭 (福苑)

营业中

休息中

二鍋頭位於鬧市中心，旺中對面，地鐵上面，非常之方便。肺炎肆虐，衞生係最重要嘅，而呢間就做得唔錯，自助食物區就有個門cover返，枱與枱之間距離足夠，椅子都夠高，可以阻隔客人之間啲飛沫橫飛。好啦，足夠安心之後，都睇得出佢地好貼心，俾左個口罩袋俾我地擺好個口罩，即刻俾埋醬料盤俾我地自己調味，仲好主動同我哋講下食飯位置同點叫野食，服務態度都好好，幫我地炒雞煲咁。我地就嗌左雞煲先，一上碟就聞到好香大蔥同芫茜味，係地道嘅味道！雞件食落都好重雞味，醬料入味，非常滋味。食完一輪之後，就嗌左個番茄薯仔湯底，開始打起邊爐。嗌左幾樣肉類同海鮮，牛肉係必推！味道好好，肥瘦均勻。海鮮都算新鮮，但我地就煮太耐，所以要小心啲！