泰爸爸

营业中

休息中

呢間泰菜係大角咀極多好評，仲有戶外座位chill一chill, 係奧海城咁多連鎖餐廳中既小店。選擇多🍢 泰式拼盆 $138 有蝦餅、魚餅、春卷同雞肉沙嗲。 三款炸物都好熱辣辣，感覺係即炸既，魚餅香茅味十足，蝦餅外皮薄又脆，內餡好彈牙。春卷內餡係素食咁，一絲絲好豐富。雞肉juicy, 配上沙嗲汁一流。🐮 生牛肉湯河 $62其實呢到真係都幾多種類選擇，但好少又有炒野又有咁多款湯粉麵。好大既一碗，除左牛肉仲有兩大舊白蘿蔔，加啲生菜。欣賞佢既湯底，濃味又有啲魚露既咸香，同埋河粉都好滑好彈牙。🦀 蟹肉芒果炒飯 $88飯粒炒到粒粒分明，好有蛋香同蔥香。芒果粒好甜，而且唔辜寒，真係有真蟹肉。份量仲幾大碟，一座小山丘咁。🍹 菠蘿沙冰$30又係大杯到滿瀉。菠蘿味清清地，絕對唔係果汁溝成既，飲飲下仲會飲到菠蘿絲。香港咁熱既天氣消暑一流。