PizzaExpress (香港科學園)

在科學園內有好多不同嘅餐廳. 呢間嘅質素在西式食品內,是我最喜愛的一間.
首先環境好好, 在海旁,天氣晴朗的時候,藍天白雲仲可以睇到吐露港嘅景色. 黃昏望住夕陽西下嘅八仙嶺,嘆杯冰涼嘅啤酒或者白葡萄酒簡直係一流嘅享受！
食物係有薄餅,意粉,沙律,一啲意大利嘅小食.
我點咗最鍾意嘅烤焗雞翼,瑪嘉麗塔皇后薄餅,意式八爪魚片冷盤,一杯冰凍嘅白酒.
雞翼皮脆肉嫩有肉汁, 配一個辣醬好惹味☺️
瑪嘉麗塔皇后薄餅,餅底煙韌唔會好濕又唔會好乾👍意式八爪魚片冷盤, 配上橄欖香草橄欖油,清新😉
Happy hours, 啤酒,紅白餐酒買一送一,超值！ 大滿足🥰