Table

营业中

休息中

今日同朋友去將軍澳行街見到呢間環境都幾靚嘅西餐 啲嘢又唔係好貴 所以就入去試吓蒲燒鰻魚石鍋烏冬個石鍋烏冬嚟到仲係滾嘅 我哋分完啲烏冬之後 啲職員都好好 即刻加返啲湯俾我哋 驚我哋個烏冬唔夠湯 鰻魚都有好大塊 真係好抵食🤣招牌酒香乳鴿配黑松露忌廉意大利飯啲乳鴿真係好香酒味 唔洗點汁都好夠味 個黑松露忌廉意大利飯好Creamy 加埋啲牛肝菌忌廉汁 真係一流西京燒挪威三文魚扒伴十五穀米飯三文魚扒燒得好滑 好多汁 配飯真係好好食🤤仲要用十五穀米真係好健康👍🏻我哋仲跟餐配咗兩個小食一個係胡麻醬秋葵 另一個係是日餐湯配蒜香酸種包 今日個湯係南瓜忌廉湯 再加埋個牛油味好重嘅酸種包 好正🤤另外我哋仲叫咗一個小食 蜜糖芥茉醬番薯條 新鮮炸起 熱辣辣 而且有番薯嘅甜味 十分推介最後嘢飲我哋就叫咗一杯胚芽抹茶沙冰同另一杯Oreo香蕉奶昔😋