太陽系委員會

营业中

休息中

一向覺得馬灣無啖好食，咁啱之前喺朋友嘅相見到哩間cafe，佢有outdoor seat感覺好似好chill，所以今日就嚟哩度hea吓。其實疫情其間，唔係有outdoor seat嘅餐廳其實都唔係好敢去，希望疫情快啲過去⋯一去到的確好有驚喜，內部裝修好有玩味好文青，好多影相打卡位，可惜我竟然唔記得影相，因為周圍實在太多得意嘅狗狗，俾佢哋搞到我分咗心！真激氣無錯，哩間cafe係pet friendly的，有顧客仲帶埋鸚鵡🦜過嚟，真係令人目不暇給。我叫咗杯薑汁布甸latte，本身係超級薑汁控，老公就叫咗Americano。我哋好好彩喺室外搵到兩張櫈仔，真係遲少少都無。感覺哩度好多顧客都係熟客仔或附近嘅住客，有顧客仲自備枱櫈，成間cafe都好chill好casual，職員態度都好友善。最嘅係間cafe對正海灘，環境一流超寫意，咁啱今日又天公造美，好嘢👏🏽講返杯咖啡先，講真，有少少失望，雖然個名好特別，但飲落真係麻麻地，無乜薑汁味之餘亦唔係好飲到咖啡味，我亦唔係好明杯嘢點解有布甸兩個字🧐🤔。今日好開心，多謝哩間cafe俾咗我同老公一個好寫意好暢快嘅下午會繼續支持！