神戶屋日韓放題

营业中

休息中

神户屋一班同事，趕完project 想開心食餐好嘅，有人話食過神戶屋覺得唔錯，於是就拉大隊去了刺身是最吸睛，最重要的項目，三文魚腩，希靈魚，鯛魚都係好新鮮，而赤蝦，赤貝，泰國生蝦，甜蝦，都係咁彈牙好好咬口，我哋仲追加咗任食生蠔套餐，呢個套餐好猛料：生蠔係新鮮肥美，仲有海膽軍艦，松葉蟹爪，厚切鰻魚串，雞泡魚干，鮑魚，仲有清酒梅酒任飲，呢個追加真係超值到爆燒物炸物方面，傳統嘅燒牛舌，燒有機菠蘿，蒜蓉粉絲蒸元貝都具有水準，另外還有帶有創意的榴槤炸彈，喜愛榴槤者絕不可錯過，黑金鹹蛋流沙包的鹹蛋流沙，令流沙包煥然一新，照燒雞皮串係做得非常出色，唔怕肥就必試！怎可能沒有喜愛的壽司呢，黑松露珍寶帶子壽司，黑松露油甘魚壽司，炙燒焦糖三文魚壽司，海膽赤蝦壽司，淨係聽個名，都應該已經垂涎欲滴啦仲要有數不盡的火鍋料打邊爐，我們選擇了酸菜魚作為湯底，同埋極豐富的蒸籠海鮮，一份內有蒜蓉粉絲，鮑魚，熟蠔，青口等，是任點任叫的，還有各式各樣的飯品和雪糕，減肥？留返第二日吧，哈哈！