丸作食茶 (禮頓道)

营业中

休息中

唔知幾時又開始一堆珍珠奶茶嘅潮流，但賣得越黎越貴，家下閒閒地都要差唔多30蚊一杯，係咪真係咁把炮呀？呢間都係見到有介紹，所以黎試一下。舖位都比較遠，要行到好入先揾到。以為今日會好多人，都唔係，唔使等就可以買。叫左去冰同半糖，中杯28蚊，都貴架。所以講真飲過呢次我都未必會回頭。味道黎講都唔錯，半糖對我黎講甜度啱啱好。珍珠唔係出面一般舖頭咁硬硬嘅，我覺得佢煮得啱啱好，軟身幾有咬感。係值得一試嘅，但我嘅回頭率會係好低。