delish kitchen by ALOT

营业中

休息中

環境又大又靚又舒服，最重要係d枱唔逼，大家有返d距離，唔駛成餐飯聽隔離枱講乜。但食物質素強差人意。叫咗一個紫菜芝士炸甜蕃薯條、脆炸自家製蟹餅、蜜柑京蔥野菌烤鴨絲薄餅、香煎北海道帶子蕃茄忌廉汁意式肉醬雲吞。餐湯椰菜花忌廉湯，全晚最好飲。炸番薯條炸到好黑又好硬；pizza同蟹肉餅都不過不失，唔難食但亦唔會為咗佢地再返嚟食，最大問題係個意式雲吞，外圍一層雲吞個皮根本未熟，係硬身粉狀，另外帶子又係煎到好黑而且非常鹹。呢餐講緊$671，唔算好貴，但如果呢個食物質素，係會幾後悔行入呢間餐廳。另外金色頭髮戴口罩男侍應亦好有趣。佢捧個食物過嚟，係會企响枱邊prefer你執好張枱俾佢放低個食物，而唔係自己諗辦法自己做。咁唔專業又唔願做嘅侍應，第一次見。