影片
以上资料只供参考，请与餐厅确认详情
-
网上订座服务暂停
如果你钟意有空间感又钟意试新嘢嘅人，咁 Delish Kitchen by ALOT 会几啱你！先唔讲食物，单系环境都已经几吸引 —— 日式木系设计，配埋大大嘅落地玻璃，阳光直射入嚟，成个 Vibe 好 Chill 好舒服。最抢眼嘅当然系佢哋个巨型月球 🌕 打卡位！🥣 是日南瓜汤（跟餐）呢个南瓜汤 Creamy 得嚟唔 Heavy，南瓜味香甜，配埋多士脆卜卜，开胃！🔸 香草慢煮油封鸭髀 $238鸭髀慢煮得啱啱好，切落即刻骨肉分离，肉质滑嫩仲有少少油香 🤤 配埋姜汁南瓜蓉，另外仲有烟肉野菌、炒菠菜同三色藜麦，口感丰富，味道 Balance 👍🏻🥩 30 天熟成黑毛安格斯牛扒 $338呢个牛扒用咗干式熟成技术，肉质瘦得嚟唔柴口。叫咗 5 成熟，配埋薯条 🍟 简单得嚟有质感！🦐 明太子牛油果大虾薄饼 $148呢个 Pizza 有啲惊喜！饼底烤得香脆，明太子酱嘅咸香配牛油果同虾肉，加埋 Mozzarella 芝士 🧀 车厘茄同洋葱，食晒成个 Pizza 都冇负担！🍋 柠檬挞配芒果和蛋白饼主菜食完记得留位俾呢个 Dessert！酸酸甜甜几清新，仲夹杂住芒果肉！Iced Oricano +$44呢杯橙汁加浓缩咖啡，饮落有果香又有咖啡嘅回甘，中间带少少甜味，值得一试 🍊☕咸柠啤 +$48 平时饮得多咸柠七，但咸柠加啤酒就真系第一次！咸咸地带少少清新嘅啤酒香，几特别 🍻
继续阅读
Lunch Set🍽🍽芝士澳洲和牛汉堡伴焦糖洋葱、田园沙律、炸甜蕃薯条、松露酱 $168餐可选是日餐汤或田园沙律 野菌忌廉汤- 香浓幼滑，忌廉味也好重👍餐饮冻玉露茶 - 味道好清新Hot Flat White店铺大玻璃自然光透入，大大嘅月亮成为焦点，木系餐桌俾人嘅感觉真好舒服。可在绿洲空间品尝美食真吾错👍门口售卖一些主要是日式设计餐桌用品，瓷器，家具，香薰。佢地甜品也好精致，要下次试下😍Delish kitchen by ALOT📍九龙城启德协调道2号AIRSIDE 3楼L316号舖#DelishkitchenbyALOT #启德#启德好去处 #AIRSIDE #和牛汉堡
继续阅读
不试犹自可、－试完中伏！我们全枱十个人、叫咗10几款食物、包括三个不同pizza、三款意粉、两个汉堡包、两款沙律、三款汤！先讲意粉出嚟卖相、似十足茶餐厅、出餐豉椒排骨河粉兜乱的卖相、味道一般！D沙律好似喺超市买咗啲沙律菜放到碟上加几只虾、两片蛋放上面、就拿出来的感觉！pizza只可以说中规中矩规中、D汤都只系一般般！今天我们食完大部份人的感觉就系劣！
继续阅读
餐厅营业时间到晚上10 PM，咁会几点截单？答案系8:30 PM。8:30 PM截单，即系距闩门仲有接近90分钟都唔俾你入，难怪个场咁吉，嘥咗个咁大咁靓嘅地方。以上情况唔止一次，唔系个别情况。最近一次系8:32 PM 到现场，推门入去个服务员（疑似店长）望住你，眼神就话俾你知你入嚟做乜，你唔见门口已经掩埋咗只门咩。同佢讲人数，佢木口木面同你讲我哋已经last order咗。咁好啦，唔好阻人收工。转身走，好行夹唔送，商场大把其他餐厅选择。
继续阅读
环境又大又靓又舒服，最重要系d枱唔逼，大家有返d距离，唔驶成餐饭听隔离枱讲乜。但食物质素强差人意。叫咗一个紫菜芝士炸甜蕃薯条、脆炸自家制蟹饼、蜜柑京葱野菌烤鸭丝薄饼、香煎北海道带子蕃茄忌廉汁意式肉酱云吞。餐汤椰菜花忌廉汤，全晚最好饮。炸番薯条炸到好黑又好硬；pizza同蟹肉饼都不过不失，唔难食但亦唔会为咗佢地再返嚟食，最大问题系个意式云吞，外围一层云吞个皮根本未熟，系硬身粉状，另外带子又系煎到好黑而且非常咸。呢餐讲紧$671，唔算好贵，但如果呢个食物质素，系会几后悔行入呢间餐厅。另外金色头发戴口罩男侍应亦好有趣。佢捧个食物过嚟，系会企响枱边prefer你执好张枱俾佢放低个食物，而唔系自己谂办法自己做。咁唔专业又唔愿做嘅侍应，第一次见。
继续阅读