影片
更多
2019-02-19
410 浏览
邊個話情人節一定要同另一半過？同閏密一齊慶祝、一齊過，一樣夠甜蜜、夠開心！👭❤️·見到餐廳推出期間限定嘅「壽喜燒和牛套餐」，可以俾我哋落手自己煮，有得玩、有得食！☺️ 之前睇日本節目介紹過日本人會喺喜慶日子食壽喜燒嚟慶祝，睇住主持介紹整法，今次有機會親身體驗下，當玩下煮飯仔，但唔洗自己洗碗，勁開心！😂·🔸壽喜燒和牛套餐（$289/人，另收加一）套餐包咗和牛🐂、牛舌、豬肉🐖，3款肉都可以無限refill！另外仲有海鮮盤 (帆立貝、魷魚🦑、蠔)、蔬菜併盤 (金菇、冬菇、蒟蒻絲、燒豆腐、娃娃菜、羽衣甘藍等)，仲可以出去任拎配菜、飲品🥤、Häagen-Dazs雪糕🍦！😍·枱上有壽喜燒嘅正宗製作方法🧾俾我哋參考，邊睇邊整，非常簡單！(1) 將鮮雞蛋打匀🥚🥢，放喺碗度待用(2) 燒熱和牛脂肪，塗匀個鍋，炒香洋蔥同京蔥(3) 將幾塊和牛放入鍋煎香，約3秒，之後加大概2湯匙壽喜燒湯汁(4) 夾起和牛沾上預備好嘅蛋汁，咁就食得架喇！🤤 ·其他肉類可以連蔬菜併盤加壽喜燒湯汁一齊煮，之後可以慢慢加日式清湯嚟調味，仲可以避免痴底。海鮮都可以加入去煮，好快就食得！😎·牛同豬都可以無限任加，個人特別喜歡和牛，一次過將
·
見到餐廳推出期間限定嘅「壽喜燒和牛套餐」，可以俾我哋落手自己煮，有得玩、有得食！☺️ 之前睇日本節目介紹過日本人會喺喜慶日子食壽喜燒嚟慶祝，睇住主持介紹整法，今次有機會親身體驗下，當玩下煮飯仔，但唔洗自己洗碗，勁開心！😂
·
🔸壽喜燒和牛套餐（$289/人，另收加一）
套餐包咗和牛🐂、牛舌、豬肉🐖，3款肉都可以無限refill！另外仲有海鮮盤 (帆立貝、魷魚🦑、蠔)、蔬菜併盤 (金菇、冬菇、蒟蒻絲、燒豆腐、娃娃菜、羽衣甘藍等)，仲可以出去任拎配菜、飲品🥤、Häagen-Dazs雪糕🍦！😍
·
枱上有壽喜燒嘅正宗製作方法🧾俾我哋參考，邊睇邊整，非常簡單！
(1) 將鮮雞蛋打匀🥚🥢，放喺碗度待用
(2) 燒熱和牛脂肪，塗匀個鍋，炒香洋蔥同京蔥
(3) 將幾塊和牛放入鍋煎香，約3秒，之後加大概2湯匙壽喜燒湯汁
(4) 夾起和牛沾上預備好嘅蛋汁，咁就食得架喇！🤤
·
其他肉類可以連蔬菜併盤加壽喜燒湯汁一齊煮，之後可以慢慢加日式清湯嚟調味，仲可以避免痴底。海鮮都可以加入去煮，好快就食得！😎
·
牛同豬都可以無限任加，個人特別喜歡和牛，一次過將幾片放入口，好正！另外帆立貝都好正，味道似足平時買嚟做手信嘅日本帆立貝！👍🏻
·
90分鐘，食到飽！食材夠新鮮、選擇夠多，仲可以俾我哋自己試整正宗嘅壽喜燒，好好玩，我哋仲食咗好多雪糕，超滿足呀，值得推介！🤩
张贴
