影片
更多
2018-12-11
513 浏览
屋企人不嬲都好錫我，喺正式生日前嘅星期日已經同我食飯慶祝生日，佢哋就揀咗食傳統中菜。首先，嚟個晚膳三寶，一品蒜香雞半隻，雞皮好脆，雞肉又滑又夠味，唔錯；清蒸海石斑一條，冇火水味，時間蒸得啱啱好，好滑又唔腥；最驚喜嘅係南乳上菜齋煲，南乳味唔會好重，齋煲入面有好多材料，有支竹、蘑菇、粟米仔、雲耳、粉絲，一啲都唔寡！食完蒸魚就食炸魚，呢個瑤柱金粟魚塊，外脆內軟，啖啖肉，再同粟米汁一齊食，經典得嚟又好味。呢度有一樣嘢食我最鍾意就係菠蘿咕嚕肉，咕嚕肉每塊都炸到好脆，又有骨可以咬下，個菠蘿汁酸甜度啱啱好，值得一試。姨媽最近開始食齋，所以叫咗一個竹笙茄子豆腐煲，豆腐走咗油，口感好好，味道唔會太鹹。我好多謝屋企人咁錫我，今餐好有愛啊！
首先，嚟個晚膳三寶，一品蒜香雞半隻，雞皮好脆，雞肉又滑又夠味，唔錯；清蒸海石斑一條，冇火水味，時間蒸得啱啱好，好滑又唔腥；最驚喜嘅係南乳上菜齋煲，南乳味唔會好重，齋煲入面有好多材料，有支竹、蘑菇、粟米仔、雲耳、粉絲，一啲都唔寡！
食完蒸魚就食炸魚，呢個瑤柱金粟魚塊，外脆內軟，啖啖肉，再同粟米汁一齊食，經典得嚟又好味。
呢度有一樣嘢食我最鍾意就係菠蘿咕嚕肉，咕嚕肉每塊都炸到好脆，又有骨可以咬下，個菠蘿汁酸甜度啱啱好，值得一試。
姨媽最近開始食齋，所以叫咗一個竹笙茄子豆腐煲，豆腐走咗油，口感好好，味道唔會太鹹。
我好多謝屋企人咁錫我，今餐好有愛啊！
张贴
