越萊 (福榮街)

营业中

休息中

深水埗交收貨物後已經六點多鐘,簡簡單單係福榮街呢間越萊食個輕便晚餐,又趕去上堂。餐廳新淨企理,都幾多人嚟食。叫咗四樣嘢越萊自制手工春卷(2件)炭燒豬頸肉越式自選三餸湯河熱柑桔蜜手工春卷用個小竹籃配尖頂帽裝住上檯,好特別!春卷皮薄香脆,內裡豬肉餡料多汁。點上甜酸醬趁熱食,好味!炭燒豬頸肉兩面都金黃色,質地軟腍加上少少彈性,香口又吾油膩。呢個手撕雞絲、唐生菜加蘿蔔清雞湯河粉,份量都幾大碗。手撕雞絲肉滑,生菜脆嫩,蘿蔔清甜無渣。最後飲埋杯味道吾太甜嘅柑桔蜜,食飽飽又趕下場。下次有時間會再來食特色扒飽、撈檬同其他小食等。