秋拾米線

营业中

休息中

知道呢間米線喺區內薄有名氣，去啟德睇演唱會前就揀左黎呢到試吓，估唔到下午三點幾去都要排隊15-20分鐘先有得食🍜.餐廳座位非常逼，坐得唔舒服，店員既服務都麻麻地，好惡，已經好逼仲要收碗碟先，仲要差啲倒瀉，我地食晒走人之後先收唔得咩？.佢既酸辣好似好出名，但因為咁岩腸胃唔舒服，我地兩個人都揀左清湯，味道好淡但感覺係無味精.✨香茅豬頸肉淮山麵+生菜（豬骨湯，走韮菜）✨豬頸肉份量好多，外皮燒到好脆好香口✨魚腐米線（豬骨湯）✨魚腐唔錯，仲keep到魚肉既彈牙感，唔會成舊淋到無牙都食到✨蝦多士✨好大舊，蝦都一樣好大隻，蝦肉彈牙，多士炸完都唔會好淋油，不過個人中意點沙律醬多過點芥辣