影片
以上资料只供参考，请与餐厅确认详情
今日嚟到新蒲岗，见秋拾米线终于冇咁多人排队，似乎有机会试到啦！嗱嗱声拎个位先~平时行过闻到佢都好香，要食餐丰富嘅慰劳吓自己炭烧猪颈肉米线 $56+首先梗系要嗌个最出名嘅猪颈肉米线啦~汤底系秘制酸辣汤，bb辣啱晒我呢啲唔食得辣嘅人。欣赏佢米线可以转芽菜底，索汤得来感觉又轻盈啲😎猪颈肉果然世一冇介绍错！😇😇😇𠮶种脆边、焦香，加上猪肉嘅弹牙口感，同埋神埋支笔自家调制酸辣汁，我敢讲比泰国地道𠮶啲更Juicy香口🤤🤤重口味但好值得+$6 鱼腐：自家制鱼腐原来系让咗鱼肉，比一般鱼腐再实净啲冇咁Puffy+$15 猪软骨：我食𠮶旧肥嘅超级软嫩，另一旧瘦嘅老公话煮得耐咗+$6 酸甜斋：酸斋同米线其实都几夹，过下口瘾+$6 幼滑奶茶：食住辣嘢梗系要饮返杯热饮。加$6真系唔贵呀 自家制手作虾多士 😍😍😍$24呢个又系另一必食推介！$24两件实在超值，虾大只弹牙，多士脆口，味道调得刚好，仲有蜜糖芥末酱增加风味。唔系卖广告，真系好抵食红油拌海蛰 🤩$30 另一款小食都有惊喜😬唔食辣嘅我都将佢清晒盘。海蛰有咬口，青瓜特别爽脆，呢个价钱好无敌上汤翡翠苗 $30食得太多辣要加个菜苗。放落猪骨汤零舍鲜甜日本芝士年糕-2件 $22又一抵食之选~价钱平得来质素唔差，年糕软糯，爆浆流心😆饱到上心口都想叫旧食吓 秋拾豆花捞米线 🤩$36++$1就可以转通心米线。几特别，不过通粉比较长，生熟程度可能有啲唔同。都系钟意食普通米线多啲，同豆花会超夹+$10 麻辣鸡球：几有惊喜，鸡件肉质唔错，我几钟意❤️+$10 卤水鸡翼：鸡翼炆到好腍，一咬就已经离骨，卤得几入味+$8 炸酱：其实米线入边已经有，贪得意叫多兜爱嚟捞豆花啫🤣+$8墨鱼春卷：墨鱼滑质地实净，超饱肚+$8 卤水腩肉：腩肉好多肥膏，老公默默食，入口即溶 睇到呢度都想像唔返到第二个晚食咗几多嘢😝真系超丰富、超抵食、超饱肚！重点系咁食法都只系$299，人气平民美食绝非浪得虚名。冇乜嘢我下次都系默默地排队再食啦~
继续阅读
呢间米线未被报道之前已经经常嚟食自从报道之后经常大排长龙上次红日下昼三点谂住唔使排点知前面有成10几个人果断放弃咗今次星期六7点几到都等咗差唔多成个钟入到去仲要等多半个钟先上餐🥲🥢豆花捞米线$42 + 鱼腐$10+ 甜酸斋$6叫咗BB辣，对唔食得辣嘅我嚟讲啱啱好鱼腐系自家制，有鱼味，炸得啱啱好甜酸斋酸酸甜甜好味米线系用江西米线，佢嘅米线系偏淋身，我自己几钟意配料有豆花，肉碎，花生捞埋一齐食好惹味🥢炭烧猪颈肉米线$57 +墨鱼头$8 + 鸡软骨春卷$8叫咗BB辣猪颈肉煎得啱啱好，带点油脂，点埋佢嘅酱汁👍🏻墨鱼头好爽口鸡软骨春卷几特别，每一啖都食到鸡软骨，口感唔错今次嘅米线份量比较少，男仔食可能唔够🌸🌸🌸🌸🌸总括食物保持到水准但要排咁耐，真系太辛苦下次可能会叫外卖提外话呢间米线人龙不绝，小店做街坊生意见到有人叫错芽菜底老板都加返个米线俾佢感觉几有人情味
继续阅读
新蒲岗小店，座位唔算多，环境尚觉企理。虾多士多士上面大大只虾，揸得好松脆，虾肉爽口，唔觉油腻，色泽鲜艳。八味豆腐豆腐粒炸得内脆外软，香口惹味。椒麻爽鱼皮鱼皮好爽口，冇腥味。 麻辣汁配合青瓜、木耳、芫茜。 餐前小食好开胃。酸辣猪颈肉薯粉薯粉富弹性，吸到汤底香味。 汤底入面已有大量肉碎、芽菜等配料。 猪颈肉表皮十分脆，肉质嫩滑。 配合埋个酱汁更加惹味。豆花捞米线几有趣嘅组合，夏天唔想食热嘢嘅好选择。 凉拌捞米线配合豆腐花，豆花嘅质感令捞米线多一分嫩滑。 不过留意捞咗豆花会令味道都变淡，可按口味调高一级辣度。
继续阅读
今日同老公经过新蒲岗，见到一间米线店大排长龙，就排队买外卖番屋企食先🌸炭烧猪颈肉通心米线（招牌猪骨汤）+蟹柳+响铃+墨鱼春卷+肥牛！炭烧猪颈肉份量都好足够，脆边炭烧焦香味，但唔会太干，口感爽口弹牙，配埋特制酱汁一齐食，都几惹味！墨鱼春卷味道好香口！配埋弹牙嘅通心米线，都几入味呢！🌸自家制鱼腐淮山面（招牌猪骨汤）+蟹柳+贡丸+墨鱼丸+墨鱼春卷，用新鲜鱼肉自家制作嘅鱼腐口感好弹牙，但又唔会好粉，份量都唔少！配埋招牌猪骨汤底，清淡清甜，几钟意佢地嘅汤底系唔落味精，配埋淮山面一齐食，健康又好味🌸自家制鱼腐米线（招牌猪骨汤小辣）+猪软骨+肥牛！猪软骨软腍又几入味，含丰富嘅胶质，又唔会太肥腻，配埋小辣嘅猪骨汤底，味道好夹🌸八味豆腐份量好多，每一粒豆腐都炸至金黄色，外表酥脆但内里嫩口，入面都系滑溜嘅豆腐，调味调得啱啱好，几好味🌸自家制手作虾多士，热辣辣香喷喷，新鲜炸出黎嘅虾多士，薄身但口感脆卜卜，配埋芥未酱，味道更加突出
继续阅读
今次专登搭车过嚟新蒲岗，就系为咗试吓呢间人气爆灯嘅「秋拾米线」！门口成日排长龙，好彩今次下昼3点几到，唔使点等位。铺头细细，装修简单，但胜在干净企理，坐得都算舒服。 八味豆腐 $25一上枱就闻到劲香！外皮炸到金黄脆口，咬落去入面嘅豆腐仲系滑捋捋，完全唔会干争争。个「八味粉」带少少辣同孜然香，食落好惹味，呢个豆腐嘅外脆内嫩，简直系邪恶级别🤩 香茅猪颈肉米线 $56猪颈肉系呢度嘅招牌，果然冇介绍错！炭烧过嘅猪颈肉外皮微焦，咬落去弹牙又多汁，仲有非常出既香茅味，唔会太油腻。汤底拣咗秘制酸辣（BB辣），酸度同辣度平衡得啱啱好，唔会抢咗猪颈肉嘅风头。米线可以转芽菜底，索晒汤汁之余，口感更加清爽。 秋拾豆花捞米线 $40 +招牌鱼腐呢个真系几特别！冻食嘅豆花捞米线，豆花滑嘟嘟，豆味唔算好浓，但加埋花生碎、肉燥同辣酱，咸咸甜甜咁，口感好丰富。鱼腐食得出系自家制，口感软糯我觉得几新鲜，夏天食几开胃😛
继续阅读