猛男廚房

营业中

休息中

同frd係長沙灣呢個地下街打算求其食d野，見到有間叫猛男廚房，好奇心下睇下佢個menu有咩食，然後見到店主廚師煮緊野。原來係一間充滿男性氣息嘅餐廳，連份量都特別猛。餐廳主要係食西式野為主，價錢都好抵食。猛男送外賣呢個好搞笑，睇黎佢地請人都有特別嘅篩選條件。今次試咗佢哋嘅菠菜汁忌廉雞肉扁意粉同經典安格斯牛肉芝士漢堡，味道都好正。扁意粉煮得夠熟夠Q彈，配上啲菠菜忌廉汁同啲雞肉，調味剛剛好好，唔會好快食膩。而且意粉份量超多，d雞肉無雪味而且有好多舊。漢堡包夠軟夠香，安格斯牛肉煎得恰到好處，唔係將貨就價，好濃嘅牛味，加上啲芝士同啲醬汁，好滿足。薯條係粗薯🍟，熱辣辣，我覺得仲好食過平時d 一百幾蚊嘅burger。