1963 木十豆寸

营业中

休息中

灣仔道莊士敦道交界三角位有一棟特色大廈，是晚行過抬頭見到，令我諗起紐約第五街嘅熨斗大廈，哈哈。經過灣仔道入口，比樓梯口個1963木十豆寸招牌吸引左，走上兩層樓梯，發現原來係台灣餐廳。橫掂都行左兩層樓梯，就入去食埋飯啦。餐廳裝修好懷舊，門口兩道木門既門柄係舊式電話嘅聽筒。入到餐廳入邊，見到有個擺滿舊相機既櫃，男女廁中間掛住個理髮店門口嘅紅白藍旋轉燈柱，燈柱旁邊有一座字粒印刷檯，十足十個博物館咁。終於有人帶位喇，餐廳都幾滿座，座低發現木檯原來係舊車衣機，物盡其用。晚餐有套餐亦有單點選擇。套餐一位199起，決定單點。兩個人點左滷肉飯、麻醬麵、燙青菜、酒蒸蛤蜊、三杯雞。燙青菜有好多滷肉鋪面，酒蒸蛤蜊好好味，三杯雞略嫌太濃味。滷肉飯細細碗不過鋪好滿，飯面放半隻滷蛋，半片黃蘿蔔，正👍🏻。麻醬麵既棉質彈牙，同麻醬撈埋好夾。食物質素整體滿意，可再來。