一喜車仔麵

营业中

休息中

一喜車仔麵好多花款，勁多配料，湯底，小食。眼花撩亂，店員親切，qr code落單，簡單易明！豪華九寶車仔麵，已經有哂指定配料！豬紅嫩滑，墨丸有粒粒墨魚好有質感又夠爽彈！蘿蔔無渣帶清甜，另加左份水魷魚，爽彈有咬口！配了香辣咖哩汁，相當惹味又開胃。另一特色係好多小食，咖哩魚蛋16蚊12粒，魚蛋夠爽第，魚肉夠多，配上惹味咖哩汁好惹味，非常抵食！潮式小食相當煙un, 非常好食。香辣單骨雞翼夠啖啖肉，炸得香脆但又唔油，夠香口有水準。腐乳通菜夠翠綠，清新清爽，好新鮮又夠靚既通菜。另外外賣可以request用上靚靚既包裝，呢度既黃金雞湯超正，不得不打包。