尋福記

营业中

休息中

紅磡一向多小店，行過見到呢間新開，店名幾得意叫「尋福記」見到有全日套餐$64包嘢飲，有「沙茶麵」同「牛肉羹」，覺得幾得意就入去試吓。店仔細細得3張枱，環境乾淨企理。睇睇下餐牌大家都想食豐富啲，所以點了一碗海鮮沙茶麵，一碗全家福牛麵及一款小食香脆五香卷。海鮮沙茶麵，配料有蝦滑，魚滑，墨魚丸，豆卜，湯底望落有點似叻沙，見到有花生醬，食落都幾惹味。蝦滑咬落爽口，食到原隻蝦。魚滑並非用鯪魚，食落軟淋好味。全家福牛麵，好豐富，有齊牛肉滑，牛丸，牛筋，牛肚及牛展。牛丸爽口有肉汁，牛肚滷得好入味，軟淋易咬開。湯頭清徹，有點藥膳味，麵條食落似油麵類，喜歡吃牛的朋友不能錯過呢碗！香脆五香卷，炸到熱辣辣，用腐皮包左豬肉同馬蹄，夠香口。由於五香卷太好食，向店家買2條返去翻熱加餸～