老媽拌麵 (將軍澳中心)

营业中

休息中

之前下午大約兩點去食，唔洗等位就有得入。我地就叫左個和牛炸醬拌麵，川味三寶牛肉麵。兩個麵我地都揀左要刀削麵，個牛肉麵嘅牛肉質地相當唔錯，好軟身，而個湯底亦好濃牛肉味，就咁飲都好好飲。至於個拌麵亦幾特別，肉醬因味加左和牛嘅關係好重牛味，而佢隻太陽蛋我就將佢撈左黎食，d蛋漿撈埋落d麵到都好夾。而小食方面就叫左個炸大雞扒，雞扒好大塊，而且唔會有炸皮太厚嘅問題，值得一試。而個百頁豆腐加上d醬汁之後都好夾，唔會太鹹，而且都有好多舊。