.
間唔時飲茶都非常唔錯🫖又坐得耐可以傾計😎呢間傳統+新派既點心都有，夠fancy得黎係好味，值得推薦❣️
.
花膠素翅灌湯餃🥟
個湯好甜🤭花膠滋補下仲要係素翅，支持保護環境既概念好好🥰
.
三文魚芝士撻🐟🧀
好正呀個撻！要趁住熱辣辣時食😋個賣相好可愛，入面粒粒三文魚、加埋忌廉芝士汁😊
.
鮮蝦餃🦐
皮薄而且蝦大大粒，我最鐘意飲茶食蝦餃架啦😍
.
白玉棉花雞
好鐘意棉花☺️質感同吸左雞肉鮮味既汁🤤雖然邪惡但真係好味既🤭
.
陳醋豬手🐷
醋味好香，可以婊黎點其他餸添😆豬手好多件喎每人有起碼兩大件😋吸收晒啲骨膠原先！
.
椒鹽白飯魚🐟
用左個蝦片炸成嘅兜仔，賣相更顯心思💝炸粉鬆脆、要連埋啲椒鹽碎一齊食啊😌
.
黑醋小排骨🐖
同樣係用個兜仔裝住，黑醋勁入味，第一啖已經覺得好正😚小排骨係一啖肉，入面用左肥肥地既肉，所以好林㗎！但又唔會太過肥得濟，感覺適中👏🏻👏🏻
.
生煎蓮藕餅🌮
嘩有好多件，一上枱燙口添😹煎到好香口，入面粒粒爽口蓮藕，一人幾件當小食一流😋
.
鍋燒香蒜海蝦飯🦐🍲
個鍋飯好掂😍其實我飲茶一定要有飯，咁先夠滿足😆底層既飯焦正到痺，個蒜撈落個飯好香，重點在於用左海蝦，啲鮮甜既味道滲左入去，不得了❣️❣️
.
香麻芝麻卷
最後點左兩個甜品，質感未算好滑但係係我食過最濃芝麻味嘅芝麻卷，欣賞佢個taste🤭
.
柚子凍糕
係玫瑰花形狀🌹質感比較林身，食落係少少酸甜既感覺，而且夠冰凍，整體好fresh可以清一清飲茶既油膩感👏🏻
