鮨岐

营业中

休息中

睇完中醫附近搵下有無d 新野食下，見到呢間環境唔錯，仲有特價lunch 幾抵都係$65，叫左個鰻魚炒飯Set有麵豉湯,沙律同茶碗蒸，感覺好豐富. 個茶碗蒸雖然只有日本魚蛋同一舊仔蟹柳，但佢個嫩滑既程度係好有水準，好好味熱辣辣.鰻魚炒飯：賣相唔錯，有蛋碎，木魚，紅蘿蔔粒,蔥， 鰻魚大大粒幾肥美。炒飯份量都幾多，一個人食晒有d 漏漏地，不過係好味既。臨尾居然仲有甜品@@, 雖然只係簡單一個青檸味啫哩，但$65真係性價比勁高。