天下無雙

营业中

休息中

今日早收工，約埋個friend去尖沙咀食飯。搵咗一陣，見到呢間餐廳個名幾有霸氣，於是就揀咗呢間餐廳。餐廳擺位都幾闊落，可能未到食飯時間，我哋可以揀位坐。佢呢度有幾個招牌set，分別係牛魔王豬八戒，懷舊四寶。佢仲有啲小食，睇落都幾吸引，尤其是係佢個荔枝蝦球，但係我個friend唔食炸嘢，所以最後冇嗌。我哋分別嗌咗，牛魔王同懷舊四寶。上菜速度都好快，而且份量都幾大。佢個牛魔王有牛腩，牛筋，汕頭牛丸，牛柏葉，我仲加咗個滷蛋。講真味道唔錯，本身想試佢個辣汁，但係今日有啲熱費事食到熱辣辣。最後埋單每人一舊水都唔使，性價比幾高。