牛角次男坊 (荃灣廣場)

营业中

休息中

今日一田特價，行完見到有間次男坊，香味香到我未入去到聞到，入去發現佢地似足日本遠廳，又係先買票再有人送餐，我同屋企人叫左一個牛丼，豚丼同一個期間限定。睇相就知擺碟好靚，雖然疊得高，但係好易食到飯同肉。先講牛丼，日式牛肉味道夠濃，配埋紫菜同飯食，味道更昇華，肉質又鬆化，最令人難忘係佢地的飯底，好重米香。之後再講豚肉，豚肉就配有溫泉蛋，蛋味流落豚肉上非常吸引，再將飯搭配食，更是驚豔。再講期間限定，佢配上牛肉與菠蘿以及溫泉蛋，菠蘿味道酸甜，將整碗丼飯的油膩一掃而空，令人愈食愈昇開胃。總結而言，餐廳地理位置優越，鄰近多個購物商場，而環境舒適，價錢方面亦公道，食物質素亦不錯。