段純貞牛肉麵 (如心廣場一期)

营业中

休息中

尋日放假，朋友帶咗我去食荃灣如心一期台灣牛肉麵，我地7點幾去到，門口有幾個人排緊隊，星期日嚟講都算少人，排輕唔夠10分鐘就唔可以入去，實在太好。門面及入面都系傳統設計，配上毛筆書法裝飾，木枱木凳，都幾懷舊。 我地總共叫左兩碗牛肉面，經典紅燒牛肉麵（幼麵）同埋紅燒半筋半肉牛肉麵(手工麵）本身想叫麻辣，但係落單時侍應特登提我地麻辣會好辣，佢地冇得少辣，仲強調辣到食唔到，於是放棄左。但下次一定會試麻辣。仲叫兩個小食一個鹽酥雞同埋凍豆腐。 牛肉麵有驚喜，湯底濃而不膩，睇介紹話有中藥材一齊煲，但飲落唔覺有中藥材味，仲有好輕微麻（應該落左花椒）整體好好飲，甜甜地。牛肉牛筋燜到好淋，但仲保留到牛味，非常不錯，幼麵正常質感，而手工面比較有咬口，個樣似闊麵。我成碗食晒，湯都飲埋。哈哈，有中藥材，感覺好補身。 另外，值得一提系個加配既小食鹽酥雞一定一定要試！！！炸得夠脆，又唔乾，保留到肉汁，$48有6大舊，真系超抵食。凍豆腐普通，上面啲豆芽系生既，食落有陣草青味，唔太中意。野飲就推薦香芋珍珠奶茶，飲落就系維記香芋雪糕既味。