牛大人台灣火鍋吃到飽 (瓊華中心) (已搬遷) 新店位置

到咗夏天好耐冇打邊爐！今日適逢朋友生日，我哋嚟咗牛大人食晚餐～我諗大打對牛大人都唔陌生，店舖主打台式任食火鍋同任食台式小食，選舉好豐富。今次食咗個較高級嘅套餐，極上和牛吃到飽餐，晚市$328。澳洲和牛M5 牛肩卷套餐最高級就係澳洲和牛M5 牛肩卷，牛肉大大片，而且油花好靚，食落肥瘦適中，剛剛好，肉質好滑、好軟淋。安格斯一口牛肉粒牛肉粒就有咬口啲，肉味濃啲，記得熟就要攞上嚟，淥太耐會硬🤣。梅甘酥脆薯小食我最鍾意炸蕃薯，炸蕃薯四四方方，係一口size。味道就好香脆，蕃薯好甜。梅甘粉係味道更豐富，酸酸甜甜咁。真豬小香腸台灣腸都好食，充滿油香，仲可以配埋蒜片一齊食～士林鹽酥雞（辣）鹽酥雞熱辣辣，新鮮即炸。外皮香脆，肉質juicy，少少辣，好惹味。新鮮沙白沙白好大隻，勁鮮甜！鮮甜海蝦海蝦好新鮮，肉質彈牙。黑松露海鮮漿平時比較少食漿類，但今次個黑松露海鮮漿幾好食！黑松露味好香，帶點彈牙嘅口感。甜品甜品有提供雪糕同仙草甜品。我同朋友揀咗movenpick士多啤梨味同haagen daz曲奇味雪糕😋。飲品除咗出面自助區可以任攞嘅自家製茶飲、汽水、紙包飲品等等外，仲可以落單叫冬瓜茶等等嘅特飲。