夜首爾

营业中

休息中

📍夜首爾 🥢尖沙咀寶勒巷13-15號寶力大廈地舖-----一踏入門口就聽到裏面嘅侍應用韓文溝通，韓味甚濃。環境方面，裝修行傳統韓式餐廳風格，沒有太多花巧打卡野，係樸樸實實嘅地道韓國感🇰🇷。✨厚切五花腩180g $170✨醬油蝦 $240✨海鮮辣炒年糕 $200✨冷麵 $110 🐷黎得韓國餐廳又點可以唔食烤肉，佢地嘅Pock belly 夾落肉質扎實，入口彈牙中不失柔嫩 。4分瘦6分肥，豬肉味好濃郁，肉脂味更係澎湃，好有驚喜，雖然怕肥都想encore。配搭上一兜加入香甜梨絲、白蘿蔔絲同青瓜絲嘅清爽冷麵，balance一下食烤肉必會出現嘅油膩Guilty感，就最適合不過。🦐醬油蝦質感爽甜，蝦肉醃完依然有新鮮彈牙感，醃汁調味恰到好處，無太鹹，帶少許辣椒香氣，令人一隻接一隻，迅速消滅一碟。🥢海鮮辣炒年糕香港好多韓國餐廳都有得食，但係整得好食嘅真係唔多。看似簡單嘅一道菜色，年糕卻係好容易炒得過硬或者過淋。呢度嘅年糕硬度恰到好處，而且內部軟糯度佳，係暫時喺香港食過最接近韓國味道嘅炒年糕，仲帶有少少鑊氣，海鮮就正常海鮮，份量都多，整體唔錯。另外佢哋前菜種類都多，茄子🍆一絕，瘋狂encore咗好多次。