老媽拌麵 (將軍澳中心)

营业中

休息中

麻辣老鍋麵(加底)勁肚餓而落完單店員話可以免費加底，真係超滿足，份量夠多正常男仔食一定夠飽!加上麻味同辣味平均，香而味濃，作為拌麵既調味岩岩好!牛肉份量亦都有好多同埋都係嫩滑唔會鞋口!番茄雞蛋麵老婆好鍾意佢地既番茄蛋麵，因為健康D而且味道一樣咁正，酸味同埋咸味加上刀削麵已經好入味，雞蛋夠香而且份量亦都唔少架!鹽酥大雞排真係大雞排嚟既，去哂骨仲有咁大份，可以啖啖肉咁食，再加上雞皮既鹽酥味香同埋好惹味，唔會太咸食多兩舊都唔使即刻要飲水!花枝丸小食嚟講真係岩岩好，味道唔會太濃但就好彈牙，墨魚味亦都突出亦食到有墨魚肉粒!黑糖珍珠奶茶 & 百香國寶茶飲品亦都係老媽拌麵既精粹之一，黑糖珍珠奶茶唔會太甜，茶味好濃而且突出，配合埋奶味真係同街邊既台式飲品店冇分別! 百香國寶茶係店員推介既新品，飲落而都酸酸甜甜勁開胃!