尚海人家 (宏基商業大廈)

营业中

休息中

最近好多餐廳連鎖店都開咗生煎包，不過質素比較參差，但係自己又好鍾意食生煎包，朋友介紹呢間新鮮之餘仲足料，或者出嚟試吓啦。我就叫咗個招牌上海排骨菜飯餐配生煎包一隻，然後幫媽咪叫咗麻醬手撕雞粉皮配低糖豆漿。因為呢度主要係外賣店，如果想堂食嘅話就買完去門口食啦。店主好好人，送咗隻頂級黑松露生煎包俾我，一番都屋企食真係驚為天人因為本身諗住都已經行咗10幾分鐘應該會凍晒，估唔到熱度keep到之餘，一咬落口真係爆曬汁，而且配上黑松露真係好出色。佢既黑松露唔係嗰種假假地嘅味係同肉類好夾，非常推薦大家試吓啊。媽咪就話呢度嘅手撕雞粉皮好出色，麻醬唔會太多，啱晒識食健康嘅人士啊。咪忍唔住試咗我嘅上海排骨菜飯，佢話唔會太油，大人小朋友都食得。