去到呢間餐廳覺得佢嗰個海鮮種類非常豐富！就連魚都係原條燒！有三文魚鮫、仲有兩三種唔同種類原條魚！最勁係仲有生蠔、鮑魚同埋白蜆呢啲全部都係任燒唔嬲！我最欣賞佢有埋花螺、同埋魷魚！海鮮類真係非常豐富，又好新鮮！
當然呢度都有肉食區，同埋熟食區！；辣酒煮花螺一定要食！跟住仲有酒釀蝦、蝦膏滿身、蝦肉爽滑彈牙！仲有西蘭花、日式餃子、仲有冷盤小食！當然唔少得有蔬菜類同埋烏冬拉麵！一定可以食到飽！
串燒亦都非常之多選擇：有雜果牛肉串、豬大腸、仲有各款嘅肉類串燒！燒雞翼、同埋完塊豬扒牛扒！當然唔少得仲有
流水蝦，鮑魚等多款海鮮任燒!餐廳現在加一蚊有個小火鍋，可以打埋邊爐，餐廳會提供‼️
蝦蝦燒 (佐敦 )
地址：佐敦白加士街10-24號永富大廈1樓
